აღსრულების ეროვნულ ბიუროში ქონების შეფასების დასკვნის მიღება შესაძლებელია 3 სამუშაო დღეში

მონაწილეებმა მიიღეს ინფორმაცია, თუ როგორ ხორციელდება სასამართლოს გადაწყვეტილებების აღსრულება, რა ეტაპებს მოიცავს პროცესი, რა უფლებები და ვალდებულებები აქვთ პროცესში ჩართულ მხარეებს.განსაკუთრებული ყურადღება დაეთმო ბიუროს არასააღსრულებო სერვისებს, მათ შორის გამარტივებულ საქმისწარმოებას, შეფასებასა და ფაქტების კონსტატაციას, რომლებიც მოქალაქეებს სწრაფი და ეფექტიანი მომსახურების საშუალებას აძლევს. ადვოკატები გაეცნენ სააღსრულებო სისტემის მუშაობის პრაქტიკულ ასპექტებს, განიხილეს კონკრეტული შემთხვევები და გაიმართა დისკუსია მათთვის საინტერესო საკითხებზე.შეხვედრას უძღვებოდა გამარტივებული საქმისწარმოების დეპარტამენტის ხელმძღვანელი ნინო გოგელაშვილი.საჯარო ლექციაზე მიღებული ცოდნა ადვოკატებს პრაქტიკულ საქმიანობაში დაეხმარება, განსაკუთრებით სააღსრულებო პროცესში მონაწილეობის დროს, რაც მხარეთათვის სასურველ შედეგს განსაზღვრავს.

აღსრულების ეროვნულმა ბიურომ ადვოკატებისთვის სააღსრულებო სისტემის შესახებ საჯარო ლექცია გამართა

ბიუროს თავმჯდომარე ლაშა მოძღვრიშვილი აღსრულების პოლიციის თანამშრომლებს პროფესიული პასუხისმგებლობისა და გუნდის ერთიანობის მნიშვნელობაზე ესაუბრა. დეტალურად განიხილა გამოსახლების კატეგორიის საქმეთა წარმოების ყველა ეტაპი - დაწყებიდან დასრულებამდე. მათ შორის, სამართლებრივი საფუძვლები, მოსამზადებელი პროცედურები და ადგილზე კომუნიკაციის სტანდარტები. თავმჯდომარემ პოლიციელებს საქმიანობის ეფექტიანად წარმართვაში წარმატებები უსურვა.&nbsp;ტრენინგზე განსაკუთრებული ყურადღება დაეთმო პრაქტიკულ ნაწილს, სადაც იმუშავეს სიტუაციურ მაგალითებზე, იმსჯელეს შესაძლო რისკების შეფასებაზე. ხაზი გაუსვეს მხარეებსა და შესაბამის უწყებებთან კოორდინაციას, ასევე მხარეთა ინტერესების დაცვის მენეჯერებისა და სოციალური მუშაკების ჩართულობას.&nbsp;‭აღსრულების ეროვნული ბიურო მუდმივად ზრუნავს თანამშრომელთა კომპეტენციის ამაღლებასა და პროფესიულ ტრენინგებში ჩართულობაზე. აღსრულების პოლიციელებმა ასევე გაიარეს ტაქტიკური მომზადების სასწავლო კურსი შსს პოლიციის აკადემიასა და იუსტიციის სასწავლო ცენტრში. ტრენინგების მიზანია აღსრულების პროცესების მაღალი სამართლებრივი სტანდარტებით, უსაფრთხო გარემოში წარმართვა.

აღსრულების პოლიციელებს პროფესიული განვითარების, სამართლებრივი ცოდნის გაღრმავებისა და პრაქტიკული უნარების გაუმჯობესების მიზნით ტრენინგები ჩაუტარდათ

სიახლე აღსრულების ეროვნული ბიუროს საქმიანობაში - ყველაზე მოთხოვნადი სერვისი, უძრავი ქონების ღირებულების განსაზღვრა, სტანდარტული 30 დღის გარდა, ხელმისაწვდომია დაჩქარებული წესითაც, მხოლოდ 3 სამუშაო დღეში.&nbsp;სერვისს დაემატა კორპორატიული შეთავაზება, რაც იურიდიული პირებისთვის მომსახურების განსხვავებულ, მოქნილ საფასურს გულისხმობს.&nbsp;საკანონმდებლო ცვლილებების საფუძველზე ამოქმედდა ქონების შეფასების ახალი ვადები და ტარიფები.&nbsp;განახლებული პირობები უფრო სწრაფ, ეფექტიან და მომხმარებელზე ორიენტირებულ მომსახურებას უზრუნველყოფს.

სიახლე აღსრულების ეროვნული ბიუროს საქმიანობაში

&nbsp;შეხვედრის ფარგლებში განსაკუთრებული აქცენტი გაკეთდა ინოვაციურ პროექტებზე, მოქალაქეებისთვის მომსახურების ხარისხის გაუმჯობესებაზე, არსებულ გამოწვევებსა და სააღსრულებო პროცესების ოპერატიულად წარმართვაზე.აღინიშნა, რომ მსგავსი ფორმატის შეხვედრები მნიშვნელოვანია, როგორც ერთიანი სამუშაო სტანდარტის ჩამოყალიბების, ასევე საქმიანობის მონიტორინგის ეფექტურად განხორციელებისთვის.&nbsp;აღსრულების ეროვნული ბიუროს თავმჯდომარემ თანამშრომლებს პროფესიული მოვალეობის შესრულებაში სრული მხარდაჭერა გამოუცხადა და ამ მიმართულებით დაგეგმილი სიახლეები გააცნო.სამუშაო შეხვედრები გაიმართა: სამეგრელო-ზემო სვანეთის, იმერეთისა და რაჭა-ლეჩხუმის, ასევე აჭარისა და გურიის სააღსრულებო ბიუროების თანამშრომლებთან.ღონისძიებებს ესწრებოდნენ აღსრულების ეროვნული ბიუროს თავმჯდომარის მოადგილეები ირაკლი ხუბულავა და დავით ციციშვილი.&nbsp;მსგავსი ტიპის სამუშაო შეხვედრები ეტაპობრივად სხვა რეგიონულ ბიუროებშიც გაიმართება.

აღსრულების ეროვნული ბიუროს თავმჯდომარე ლაშა მოძღვრიშვილმა მოადგილეებთან და რეგიონული ბიუროების თანამშრომლებთან ერთად 2026 წლის პრიორიტეტული მიმართულებები განიხილა

ქვემო ქართლის ბიუროს წარმომადგენლები ახალგაზრდებს სააღსრულებო სისტემისა და მისი თავისებურებების შესახებ ესაუბრნენ, სააღსრულებო პროცესის ზოგადი პრინციპები აუხსნეს და მოსწავლეებისთვის საინტერესო, პრაქტიკული მაგალითები კითხვა-პასუხის რეჟიმით განიხილეს. შეხვედრაზე განსაკუთრებული ყურადღება დაეთმო კანონის წინაშე პასუხისმგებლობის გააზრების მნიშვნელობას ადრეულ ასაკში, ასევე მოქალაქეთა ინფორმირებას ფინანსური დავების პრევენციის მიზნით. სკოლის მოსწავლეებთან შეხვედრა რუსთავის მედიათეკაში გაიმართა და მას ეთნიკური უმცირესობის წარმომადგენლებიც ესწრებოდნენ. მსგავსი ტიპის შეხვედრები სამართლებრივი კულტურის ჩამოყალიბებას, კანონის პატივისცემაზე დაფუძნებული ქცევის სტანდარტების დამკვიდრებას ისახავს მიზნად და მომავალშიც აქტიურად გაგრძელდება.

აღსრულების ეროვნული ბიურო სამართლებრივი ცნობიერების ამაღლების მიზნით სკოლის მოსწავლეებთან შეხვედრებს განაგრძობს

🔹განსაზღვრე შენი აქტივების ღირებულება აღსრულების ეროვნული ბიუროს კვალიფიციური &nbsp;დასკვნის საფუძველზე🔹აღსრულების ეროვნული ბიუროს შეფასების დეპარტამენტი ახორციელებს უძრავ-მოძრავი ქონების, ასევე ბიზნესისა და არამატერიალური აქტივების საბაზრო ღირებულების შესახებ დასკვნის მომზადებას უმოკლეს დროში.🔹სერტიფიცირებული შემფასებლების მიერ მომზადებული დასკვნა სრულ თანხვედრაშია შეფასების საერთაშორისო სტანდარტებთან.🔹ქონების შეფასების სერვისი მოქალაქეს შეიძლება დასჭირდეს: საბაზრო და საიჯარო ღირებულების დასადგენად, სადაზღვევო და საგადასახადო მიზნებისთვის, &nbsp;ბინადრობის უფლების მისაღებად, სასამართლოში ქონებრივი დავების გადასაწყვეტად, საინვესტიციო პროექტის რენტაბელურობის განსაზღვრისთვის.&nbsp;ტელ: (+995 32) 2 72 11 18 - 2146&nbsp;

ღირებულების განსაზღვრა თქვენი მიზნების სრულყოფისთვის

აღმასრულებლებმა შობა-ახალი წელი მცირე საოჯახო ტიპის სახლებში მცხოვრებ ბავშვებსა და ბერი ანდრიას ფონდის ბენეფიციარებს მიულოცეს. საჩუქრები შერჩეული იყო მათი წინასაახალწლო სურვილების გათვალისწინებით. მათ ასევე გადაეცათ ტკბილეული და საკვები პროდუქტები. ამასთან, აღმასრულებლებმა მატერიალური დახმარება გაუწიეს მრავალშვილიან და სოციალურად დაუცველ ოჯახებს.&nbsp;საქართველოს სხვადასხვა რეგიონში გამართულ საქველმოქმედო აქციაში ბიუროს ყველა ტერიტორიული ერთეულის თანამშრომლები მონაწილეობდნენ.&nbsp;აღსრულების ეროვნული ბიურო წლის განმავლობაში პერიოდულად ახორციელებს საზოგადოების იმ ნაწილის მხარდაჭერას, რომელიც განსაკუთრებულ თანადგომას, ზრუნვას საჭიროებს და მომავალშიც აქტიურად გააგრძელებს საქველმოქმედო ღონისძიებებში მონაწილეობას.

აღსრულების ეროვნული ბიურო წელსაც ტრადიციულად მონაწილეობდა საახალწლო საქველმოქმედო ღონისძიებებში

შეხვედრაზე განიხილეს მიმდინარე წლის შედეგები და სხვადასხვა მიმართულებით განხორციელებული ცვლილებები. აღინიშნა, რომ 2025 წლის განმავლობაში, მხოლოდ 6 თვეში, დამუშავდა 140 000 ადმინისტრაციული კატეგორიის საქმე, მათ შორის წარმატებით დასრულდა არაერთი რეზონანსული დავა.&nbsp;საუბარი ასევე შეეხო დაგეგმილ ინოვაციურ პროექტებს, კერძოდ, ბიუროს აპლიკაციის დანერგვას, ელექტრონული პროგრამის განახლებას და უწყებათაშორისი ელექტრონული კავშირების გაფართოებას, რაც მნიშვნელოვნად დაზოგავს დროსა და ადამიანურ რესურსებს. მეტად ხელმისაწვდომი გახდება არასააღსრულებო სერვისებიც - შეფასების მომსახურებისა და გამარტივებული საქმისწარმოების დაწყება მოქალაქეებს ელექტრონულად შეეძლებათ.შეხვედრაზე ყურადღება გამახვილდა 2026 წლის მაისში დაგეგმილ აღმასრულებელთა საერთაშორისო კონფერენციაზე, რომელსაც აღსრულების ეროვნული ბიურო უმასპინძლებს.&nbsp;მინისტრმა დაგეგმილი პროექტების განხორციელებაში მხარდაჭერის მზადყოფნა გამოთქვა და ბიუროს თანამშრომლებს წარმატებები უსურვა.&nbsp;შეხვედრას აღსრულების ეროვნული ბიუროს თავმჯდომარე ლაშა მოძღვრიშვილი, თავმჯდომარის მოადგილეები და სხვა ხელმძღვანელი პირები ესწრებოდნენ.

სათაური

აღსრულების ეროვნულ ბიუროში ქონების შეფასების დასკვნის მიღება შესაძლებელია 3 სამუშაო დღეში

აღსრულების ეროვნულმა ბიურომ ადვოკატებისთვის სააღსრულებო სისტემის შესახებ საჯარო ლექცია გამართა

სიახლე აღსრულების ეროვნული ბიუროს საქმიანობაში

ღირებულების განსაზღვრა თქვენი მიზნების სრულყოფისთვის

აღსრულების ეროვნული ბიურო წელსაც ტრადიციულად მონაწილეობდა საახალწლო საქველმოქმედო ღონისძიებებში