აღსრულების ეროვნული ბიუროს კახეთის სააღსრულებო ბიურომ უსახლკარო და სოციალურად დაუცველ ბავშვებსა და შშმ პირებს საახალწლო საჩუქრები გადასცა. კახეთის სააღსრულებო ბიუროს თანამშრომლებმა საქველმოქმედო კავშირ ,,თემის" არასრულწლოვან და შეზღუდული შესაძლებლობის მქონე პირ ბენეფიციარებს ტკბილეული, სათამაშოები და ტანსაცმელი საკუთარი სახსრებით შეუძინეს და გადასცეს.
სააღსრულებო პროცედურები, მედიაცია ვალდებულების ნებაყოფლობით შესრულებისთვის და არა სააღსრულებო სერვისები - ამ თემების შესახებ ინფორმაცია მასობრივი მედია საშუალებების წარმომადგენლებმა მიიღეს. საინფორმაციო სემინარი აღსრულების ეროვნულმა ბიურომ ტელე-რადიო, ბეჭდური და ონლაინ მედიის წარმომადგენლებისთვის გამართა. ღონისძიებას 30 სხვადასხვა მედიასაშუალების წარმომადგენელი ესწრებოდა.
აღსრულების ეროვნულმა ბიურომ განათლების ინოვაციური ცენტრის წევრ სტუდენტებს სააღსრულებო წარმოების შესახებ ტრენინგი ჩაუტარა. ლექცია სემინარს სხვადასხვა უნივერსიტეტის იურიდიული ფაკულტეტის 20 სტუდენტი ესწრებოდა.მომავალმა იურისტებმა მიიღეს ინფორმაცია აღსრულების ეროვნული ბიუროს საქმიანობის შესახებ.
ახალი სააღსრულებო კოდექსისა და სააღსრულებო სისტემის ახლებური მოწყობის პროექტს სამთავრობო, არასამთავრობო და ფინანსური სექტორის წარმომადგენლები გაეცნენ. მერიის, შინაგან საქმეთა სამინისტროს, ბიზნეს ომბუდსმენის აპარატის, ეროვნული და კომერციული ბანკების, მიკროსაფინანსო ორგანიზაციების წარმომადგენლებმა აღსრულების ეროვნულ ბიუროში მიიღეს ინფორმაცია დაგეგმილ საკანონმდებლო ცვლილებებთან დაკავშირებით.
მიმდინარე წლის 23-24 ნოემბერს საფრანგეთის რესპუბლიკაში, ქალაქ პარიზში, აღმასრულებელთა საერთაშორისო ასოციაციის (UIHJ) კონფერენცია გაიმართა, რომელშიც მონაწილეობას ასოციაციის წევრი სახელმწიფოების სააღსრულებო უწყებების დელეგატები იღებდნენ. საერთაშორისო კონფერენციას საქართველოს სახელით იუსტიციის სამინისტროს სსიპ აღსრულების ეროვნული ბიუროს წარმომადგენლები დაესწრნენ.
ახალი სააღსრულებო კოდექსისა და სააღსრულებო სისტემის ახლებური მოწყობის პროექტს აღსრულების ეროვნული ბიუროს აღმასრულებლები, კერძო აღმასრულებლები და აღსრულების პოლიციის თანამშრომლები გაეცნენ. შეხვედრაზე განხილული იყო ის ნოვაციები და დაგეგმილი საკანონმდებლო ცვლილებები, რომლითაც ქართულ სააღსრულებო სისტემა და აღსრულების ეროვნული ბიურო უფრო მეტად გამჭვირვალე და ეფექტური გახდება.
აღსრულების ეროვნულ ბიუროსა და აღსრულების პოლიციის საქმიანობას უკრაინის იუსტიციის სამინისტროს წარმომადგენლები გაეცნენ. იუსტიციის მინისტრის მოადგილის ხელმძღვანელობით დელეგაციაში უკრაინის აღსრულების დეპარტამენტის ხელმძღვანელი, აღმასრულებლები და პროექტების მენეჯერები შედიოდნენ. სტუმრები დეტალურად გაეცნენ სააღსრულებო წარმოების ეტაპებს, ბიუროს მიდგომას მოვალეების მიმართ, მორიგების პოლიტიკასა და შედეგებს.
იურიდიული ფაკულტეტის სტუდენტებმა აღსრულების ეროვნულ ბიუროში სამართლის ზოგადი კურსი გაიარეს. ტრენინგები თსუ-ის თვითმმართველობისა და ბიუროს ერთობლივი პროექტის ფარგლებში განხორციელდა. კურსის დასრულების შემდეგ მონაწილეებს სერტიფიკატები გადაეცათ. ერთ კვირიანი ზოგადი კურსი აღსრულების სამართლის თეორიულ და პრაქტიკულ საკითხებში, თბილისის სახელმწიფო უნივერსიტეტის 20-მა სტუდენტმა გაიარა.
