აღსრულების ეროვნული ბიუროს თანამშრომლებმა ნახატებისა და ხელნაკეთი ნივთების გამოფენა-გაყიდვა მოაწყვეს. ბიუროს თანამშრომლებმა პოლიციის ახალი შენობის გახსნის ღონისძიებას საკუთარი ნამუშევრების გამოფენა მიუძღვნეს. გამოფენაზე წარმოდგენილი იყო თანამშრომლების ტილოზე ზეთით, გუაშით, საღებავებითა და პასტელით შესრულებული ნახატები, გრაფიკული ნამუშევრები, ხელნაკეთი აქსესუარები, ნაქსოვი ქუდები და სხვა.
ყაზახეთის მთავრობის, ეკონომიკის სამინისტროსა და არასამთავრობო სექტორის წარმომადგენლები დღეს აღსრულების ეროვნულ ბიუროს ეწვივნენ და დეტალურად გაეცნენ უწყების საქმიანობის სპეციფიკას. მათ შორის, სააღსრულებო წარმოების ეტაპებს, ბიუროს მიდგომას მოვალეების მიმართ, მორიგების პოლიტიკასა და შედეგებს. სტუმრების ინტერესის სფეროში მოხვდა აღსრულების ეროვნული ბიუროს ელექტრონული აუქციონი და არასააღსრულებო სერვისები: გამარტივებული საქმისწარმოება, ფაქტების კონსტატაცია, შეფასება, გადახდისუუნარობა.
აღსრულების პოლიციის არსებობის მანძილზე პირველად აშენდა საგანგებოდ მის საჭიროებებზე მორგებული კომფორტული და კეთილმოწყობილი ოფისი. ახალი შენობა იუსტიციის მინისტრმა და აღსრულების ეროვნული ბიუროს თავმჯდომარემ გახსნეს. პოლიციის ახალი ოფისი მორგებულია როგორც თანამშრომლების, ისე მოქალაქეების ინტერესებზე. შენობაში ცალკე სივრცეებია გამოყოფილი საკონსულტაციო მომსახურებისა და მოქალაქეების მისაღებად. როგორც იუსტიციის სამინისტროს მმართველობის სფეროში მოქმედი სსიპ-ების შენობათა უმრავლესობა, აღსრულების პოლიციის შენობაც სრულადაა ადაპტირებული შეზღუდული შესაძლებლობის პირებისათვის.
თეა წულუკიანმა აღსრულების ეროვნული ბიუროს თანამშრომლებსა და აღსრულების პოლიციელებს ახალი სააღსრულებო კოდექსის ნოვაციები გააცნო. მინისტრის განცხადებით, დროა, საქართველოს სააღსრულებო პროცესი კიდევ უფრო დაიხვეწოს და ის თანამედროვე ევროპულ სტანდარტებს კიდევ მეტად მოერგოს.
აღსრულების ეროვნულ ბიუროს ყირგიზეთის დელეგაცია სტუმრობდა. ქალაქ ოშის მუნიციპალიტეტის წარმომადგენლებმა მოისმინეს ინფორმაცია ქართული სააღსრულებო წარმოებისა და ბიუროს არასააღსრულებო სერვისების შესახებ. მათი განსაკუთრებული დაინტერესება ელექტრონულმა საქმის წარმოებამ გამოიწვია.
აღსრულების ეროვნული ბიურო მოქალაქეებს ახალ სერვისს - ელექტრონულ მაღაზიას სთავაზობს. ვებ გვერდზე განთავსებული იქნება სააღსრულებო წარმოების ფარგლებში დაყადაღებული ქონება საბაზრო ღირებულების 80 პროცენტად. www.eshop.nbe.gov.ge ნებისმიერ ფიზიკურ და იურიდიულ პირს საშუალებას აძლევს, სახლიდან გაუსვლელად, მისთვის კომფორტულ გარემოში, შეიძინოს სასურველი ქონება.
აღსრულების ეროვნული ბიურო 2017 წლის 6 თვის განმავლობაში მოქალაქეებისთვის გაწეული კონსულტაციის სტატისტიკას აქვეყნებს.2017 წლის იანვრიდან ივნისის ჩათვლით, აღსრულების ეროვნული ბიუროს საინფორმაციო სამსახურმა 106 ათასამდე სხვადასხვა სახის კონსულტაცია გაუწია მოქალაქეებს.
2017 წლის იანვრიდან ივნისის ჩათვლით, გამარტივებული საქმისწარმოების სამსახურში შემოვიდა 14 355 აპლიკაცია დავალიანების გადახდის შესახებ, საიდანაც კანონის მოთხოვნებიდან გამომდინარე, 656 აპლიკანტს უარი ეთქვა წარმოებაზე. გამარტივებული საქმისწარმოების ქეის მენეჯერებმა 2017 წლის იანვრიდან ივნისის ჩათვლით წარმოებაში მიიღეს 14 866 აპლიკაცია, ხოლო 6 თვის განმავლობაში დაასრულეს 10 293;6 თვის განმავლობაში დასრულებული საქმეებიდან ნებაყოფლობით გადახდის ვადაში გადახდა განხორციელდა 116 საქმეზე, ხოლო მორიგებით დასრულდა - 1340 საქმე.
