აღსრულების ეროვნული ბიუროს თავმჯდომარემ აღსრულების პოლიციის თანამშრომლებს პროფესიული დღესასწაული მიულოცა. პოლიციის დღე იოსებ ბაღათურიამ აღსრულების ეროვნული ბიუროს თანამშრომლებთან და აღსრულების პოლიციელებთან ერთად აღნიშნა. ბიუროს ხელმძღვანელმა პოლიციის სამმართველოს თანამშრომლებს ამ დღის აღსანიშნავად სპეციალური ჯილდოები და მადლობის სიგელები გადასცა.
იურიდიული ფაკულტეტის სტუდენტებმა აღსრულების ეროვნულ ბიუროში სააღსრულებო სამართლის ზოგადი კურსი გაიარეს. ტრენინგები თსუ-ის თვითმმართველობისა და ბიუროს ერთობლივი პროექტის ფარგლებში განხორციელდა. კურსის დასრულების შემდეგ მონაწილეებს სერტიფიკატები გადაეცათ.ზოგადი კურსი აღსრულების სამართლის თეორიულ და პრაქტიკულ საკითხებში, 25-მა სტუდენტმა გაიარა. მათ შორის იყვნენ, თბილისის სახელმწიფო, ილიას, ტექნიკური და საქართველოს უნივერსიტეტების იურიდიული ფაკულტეტის სტუდენტები.
აღსრულების ეროვნული ბიურო 2017 წლის პირველი კვარტლის მორიგების მაჩვენებლის სტატისტიკას აქვეყნებს.2017 წლის იანვრიდან მარტის ჩათვლით აღსრულების ეროვნულ ბიუროში მხარეებს შორის მორიგებისა და განწილვადების მაჩვენებელმა 183 ერთეული შემთხვევა შეადგინა;
აღსრულების ეროვნული ბიურო გამარტივებული საქმისწარმოების 2017 წლის პირველი კვარტლის ანგარიშს აქვეყნებს. 2017 წლის იანვრიდან მარტის ჩათვლით გამარტივებული საქმისწარმოების სამსახურში შემოვიდა 5 973 აპლიკაცია დავალიანების გადახდის შესახებ, საიდანაც კანონის მოთხოვნებიდან გამომდინარე, 296 აპლიკანტს ეთქვა უარი წარმოებაზე.
აღსრულების ეროვნული ბიურო 2017 წლის პირველი კვარტლის განმავლობაში მოქალაქეებისთვის გაწეული კონსულტაციის სტატისტიკას აქვეყნებს.2017 წლის იანვრიდან მარტის ჩათვლით, აღსრულების ეროვნული ბიუროს საინფორმაციო სამსახურმა 50 ათასზე მეტი სხვადასხვა სახის კონსულტაცია გაუწია მოქალაქეებს.
ბელარუსის იუსტიციის სამინისტროს დელეგაცია 3 დღიანი ოფიციალური ვიზიტით საქართველოში იმყოფებოდა და ქართულ სააღსრულებო სისტემასა და აღსრულების ეროვნული ბიუროს სერვისებს გაეცნო. ბელარუსის იუსტიციის მინისტრის მოადგილე ანდრეი ავდეევი და ბელარუსის იუსტიციის სამინისტროს იძულებითი აღსრულების სამმართველოს წარმომადგენლები დეტალურად გაეცნენ აღსრულების ეროვნული ბიუროს საქმიანობის სპეციფიკას. მათ შორის, სააღსრულებო წარმოების ეტაპებს, ბიუროს მიდგომას მოვალეების მიმართ, მორიგების პოლიტიკასა და შედეგებს.
იუსტიციის მინისტრის მოვალეობის შემსრულებელი ალექსანდრე ბარამიძე ბელარუსის იუსტიციის მინისტრის მოადგილეს შეხვდა. ღონისძიებას ესწრებოდნენ იუსტიციის სამინისტროს აღსრულების ეროვნული ბიუროს ხელმძღვანელი იოსებ ბაღათურია და ბელარუსის იუსტიციის სამინისტროს იძულებითი აღსრულების სამმართველოს წარმომადგენლები.
აღსრულების ეროვნულმა ბიურომ სისხლის უანგარო დონაციის აქციას უმასპინძლა.აქციის ფარგლებში აღსრულების ეროვნული ბიუროს თანამშრომლებმა ნატალია კვანტალიანის სახელობის სისხლის ცენტრის მარაგის შესავსებად სისხლი უანგაროდ ჩააბარეს.
