ფინანსური ვალდებულებების, მოსალოდნელი რისკებისა და სააღსრულებო პროცედურების შესახებ ლექცია-სემინარი აღსრულების ეროვნულმა ბიურომ თბილისი მე-11 საჯარო სკოლაში გამართა. პრევენციული კომუნიკაციის პროექტის ფარგლებში, სასესხო პრობლემების ირგვლივ საუბარი დამამთავრებელი კლასების მოსწავლეებთან შედგა.
აღსრულების ეროვნულმა ბიურომ საქართველოს ტექნიკური უნივერსიტეტის სტუდენტებისთვის საინფორმაციო ლექცია-სემინარი ჩაატარა. უმაღლესი სასწავლებლის სამართლის ფაკულტეტის სტუდენტებს აღსრულების ეროვნული ბიუროს თავმჯდომარე იოსებ ბაღათურია და სამსახურის წარმომადგენლები ესტუმრნენ. სტუდენტებმა მიიღეს ინფორმაცია აღსრულების ეროვნული ბიუროსა და სააღსრულებო სისტემის თანამედროვე სტანდარტების შესაბამისად მოდერნიზაციის შესახებ. უწყების ხელმძღვანელმა სტუდენტებს მიაწოდა ინფორმაცია ახალი სააღსრულებო კოდექსის პროექტის შესახებ, რომლითაც ქვეყანაში ახალი სააღსრულებო სისტემა ინერგება.
პირი, რომელიც ელექტრონულ აუქციონზე eauction.ge შეიძენს აღსრულების ეროვნული ბიუროს მიერ წარდგენილ ქონებას, გამარჯვებისთანავე მიიღებს შეტყობინებას, განკარგულების და სხვა თანდართული დოკუმენტის ელექტრონულად მიღებისა და ჩამოტვირთვის შესაძლებლობის შესახებ. მოქალაქეს აქვს არჩევანის თავისუფლება, რომ დაეთანხმოს დოკუმენტის ელექტრონული წესით მიღებას ან კვლავ მიბრძანდეს აღსრულების ეროვნულ ბიუროსა და იუსტიციის სახლებში დოკუმენტის ხელზე მისაღებად.
სააღსრულებო კოდექსისა და სააღსრულებო სისტემის ახლებური მოწყობის პროექტი აღსრულების ეროვნული ბიუროს თავმჯდომარემ ბიზნეს ომბუდსმენის აპარატისა და დისტრიბუტორი კომპანიების წარმომადგენლებს გააცნო.
აღსრულების ეროვნული ბიურო და საქართველოს ტექნიკური უნივერსიტეტი პრაქტიკული თანამშრომლობის ახალ ეტაპს იწყებენ. უმაღლეს სასწავლებელსა და იუსტიციის სამინისტროს სსიპ აღსრულების ეროვნულ ბიუროს შორის ურთიერთთანამშრომლობის მემორანდუმი გაფორმდა.
აღსრულების ეროვნული ბიურო 2017 წლის საქმიანობის ანგარიშს აქვეყნებს. ბოლო 5 წლის განმავლობაში, ბიურომ მთავარ სტრატეგიად მხარეთა ინტერესების დაცვა და დავების მორიგებით დასრულება აირჩია. ბიუროს ფარგლებში შექმნილი მხარეთა ინტერესების დაცვის სამსხურისა და სოციალური მუშაკების ჩართულობით, 2017 წლის განმავლობაში, სააღსრულებო ბიუროებისა და აღსრულების პოლიციის სამმართველოს მიერ მორიგებით დასრულდა 13 ათასზე მეტი საქმე.
აღსრულების ეროვნული ბიუროს კახეთის სააღსრულებო ბიურომ უსახლკარო და სოციალურად დაუცველ ბავშვებსა და შშმ პირებს საახალწლო საჩუქრები გადასცა. კახეთის სააღსრულებო ბიუროს თანამშრომლებმა საქველმოქმედო კავშირ ,,თემის" არასრულწლოვან და შეზღუდული შესაძლებლობის მქონე პირ ბენეფიციარებს ტკბილეული, სათამაშოები და ტანსაცმელი საკუთარი სახსრებით შეუძინეს და გადასცეს.
სააღსრულებო პროცედურები, მედიაცია ვალდებულების ნებაყოფლობით შესრულებისთვის და არა სააღსრულებო სერვისები - ამ თემების შესახებ ინფორმაცია მასობრივი მედია საშუალებების წარმომადგენლებმა მიიღეს. საინფორმაციო სემინარი აღსრულების ეროვნულმა ბიურომ ტელე-რადიო, ბეჭდური და ონლაინ მედიის წარმომადგენლებისთვის გამართა. ღონისძიებას 30 სხვადასხვა მედიასაშუალების წარმომადგენელი ესწრებოდა.
აღსრულების ეროვნულმა ბიურომ განათლების ინოვაციური ცენტრის წევრ სტუდენტებს სააღსრულებო წარმოების შესახებ ტრენინგი ჩაუტარა. ლექცია სემინარს სხვადასხვა უნივერსიტეტის იურიდიული ფაკულტეტის 20 სტუდენტი ესწრებოდა.მომავალმა იურისტებმა მიიღეს ინფორმაცია აღსრულების ეროვნული ბიუროს საქმიანობის შესახებ.
ახალი სააღსრულებო კოდექსისა და სააღსრულებო სისტემის ახლებური მოწყობის პროექტს სამთავრობო, არასამთავრობო და ფინანსური სექტორის წარმომადგენლები გაეცნენ. მერიის, შინაგან საქმეთა სამინისტროს, ბიზნეს ომბუდსმენის აპარატის, ეროვნული და კომერციული ბანკების, მიკროსაფინანსო ორგანიზაციების წარმომადგენლებმა აღსრულების ეროვნულ ბიუროში მიიღეს ინფორმაცია დაგეგმილ საკანონმდებლო ცვლილებებთან დაკავშირებით.
