საჯარო ინფორმაციის გაცემა

საქართველოს ზოგადი ადმინისტრაციული კოდექსი

• საჯარო ინფორმაციაა ღიაა, გარდა კანონით გათვალისწინებული შემთხვევებისა და დადგენილი წესით პერსონალურ მონაცემებს, სახელმწიფო და კომერციულ საიდუმლოებას მიკუთვნებული ინფორმაციისა.
• ყველას აქვს უფლება მოითხოვოს საჯარო ინფორმაცია მისი ფიზიკური ფორმისა და შენახვის მდგომარეობის მიუხედავად და აირჩიოს საჯარო ინფორმაციის მიღების ფორმა, თუ იგი სხვადასხვა სახით არსებობს, აგრეთვე გაეცნოს ინფორმაციას დედანში.
• საჯარო ინფორმაციის მისაღებად პირი წარადგენს წერილობით განცხადებას.
• საჯარო დაწესებულება ვალდებულია უზრუნველყოს საჯარო ინფორმაციის ასლების ხელმისაწვდომობა.
• საჯარო დაწესებულება ვალდებულია გასცეს საჯარო ინფორმაცია დაუყოვნებლივ ან არა უგვიანეს 10 დღისა.
• საჯარო ინფორმაციის გაცემაზე უარი შესაძლებელია გასაჩივრდეს კანონით დადგენილი წესით დადგენილ ვადაში.

საქართველოს კანონი საჯარო ინფორმაციის ასლის გადაღების   მოსაკრებლის შესახებ

საჯარო ინფორმაციის მიღებით დაინტერესებული პირის მიერ გადახდილი უნდა იქნას ,,საჯარო ინფორმაციის ასლის გადაღების მოსაკრებლის შესახებ" საქართველოს კანონის შესაბამისად დადგენილი მოსაკრებელი, შემდეგი ოდენობით:

1. ასლი-ერთი გვერდი 0,05 ლარი;
2. პრინტერზე ამობეჭდვა - ერთი გვერდი - 0,10 ლარი;
3. კომპაქტურ დისკზე ინფორმაციის ჩაწერა - 1 დისკი - 2,65 ლარი
4. დისკეტაზე ინფორმაციის ჩაწერა- 1 დისკეტა-1,3 ლარი;
5. ინფორმაციის ჩაწერა ინფორმაციის მომთხოვნის ვიდეოკასეტაზე-1 საათი- 2,75 ლარი;
6. ინფორმაციის ჩაწერა ინფრომაციის მომთხოვნის აუდიოკასეტაზე - 1 საათი- 0,50 ლარი    

• დისკეტის ან კომპაქტური დისკის წარმოდგენის შემთხვევაში ინფორმაციის ჩაწერა უფასოა.

მთავრობის დადგენილება 219 საჯარო ინფორმაციის ელექტრონული ფორმით მოთხოვნისა და პროაქტიულად გამოქვეყნების შესახებ

ადმინისტრაციული ორგანო ვალდებულია, უზრუნველყოს საჯარო ინფორმაციის პროაქტიულად გამოქვეყნება საკუთარ (შესაბამის)  ელექტრონულ რესურსზე. აღნიშნული ინფორმაცია ღიაა და თანაბრად ხელმისაწვდომია ნებისმიერი პირისთვის.

მოქალაქეს აქვს შესაძლებლობა, ელექტრონულად გამოითხოვოს საჯარო ინფორმაცია. აღნიშნული მომსახურებით სარგებლობა შესაძლებელია მოქალაქის პორტალიდან MY.GOV.GE.

პორტალზე მოქმედებს რეგისტრაციის 2 მეთოდი:

1. რეგისტრაცია მომხმარებლის სახელითა და პაროლით, რომლის მიღება შესაძლებელია იუსტიციის სახლის ნებისმიერ ფილიალში;
2. ონლაინ რეჟიმში ახალი პირადობის მოწმობის გამოყენებით.

საჯარო ინფორმაციის ხელმისაწვდომობის უზრუნველყოფასა და ინფორმაციის პროაქტიულ გამოქვეყნებაზე პასუხისმგებელი პირები - ირინე არახამია - იურიდიული სამსახურის საქმისწარმოების განყოფილების უფროსი; სოფიო ქურთაული - იურიდიული სამსახურის სამართლებრივი უზრუნველყოფისა და ფაქტების კონსტატაციის განყოფილების იურისტი; მარიამ სიორდია - იურიდიული სამსახურის სამართლებრივი უზრუნველყოფისა და ფაქტების კონსტატაციის განყოფილების იურისტი; მაია ლიპარტელიანი - იურიდიული სამსახურის სამართლებრივი უზრუნველყოფისა და ფაქტების კონსტატაციის განყოფილების იურისტი.

საკონტაქტო ინფორმაცია:

აღსრულების ეროვნული ბიუროს საქმისწარმოებისა და საინფორმაციო სამსახური:

ელ-ფოსტა:  iarakhamia@nbe.gov.ge

skurtauli@nbe.gov.ge

msiordia@nbe.gov.ge

mliparteliani@nbe.gov.ge

ტელ: (+995 32) 2 72 11 18 - 2303/2053