მმართველის უფლებები

მმართველი უფლებამოსილია:

• მიიღოს ყველა საჭირო ინფორმაცია რომელიც საჭირო და აუცილებელია მმართველობითი უფლებამოსილების სრულყოფილი განხორციელებისათვის;

• სასამართლოსგან მიიღოს კონკრეტული მითითებები;

• მიიღოს კუთვნილი ანაზღაურება დადგენილი წესით და ოდენობით;

• სასამართლოს გადაწყვეტილებით მოიხმაროს მიწის ნაკვეთის შემოსავალი და მისი ამონაგები თავისი და ოჯახის წევრების აუცილებელი მოთხოვნის დასაკმაყოფილებლად (როცა მმართველი მოვალეა).

მმართველის მოვალეობები:

• მმართველი ვალდებულია ჯეროვნად და კეთილსინდისიერად შეასრულოს მასზე დაკისრებული მოვალეობები;

• მმართველი პასუხისმგებელია ყველა იმ ვალდებულებაზე რომელიც მას ყველა მონაწილე მხარის მიმართ აქვს;

• მმართველი ნახევარ წელიწადში ერთხელ და მმართველობის დასასრულს გაწეული საქმიანობის შესახებ აღმასრულებელს წარუდგენს ანგარიშს, რომელსაც იგი შემდეგ კრედიტორსა და მოვალეს წარუდგენს;

• მმართველი ადგენს განაწილების გეგმას, რომელსაც სასამართლო ამტკიცებს და მის საფუძველზე ანაწილებს ნივთისგან მიღებულ ნაყოფს, ხარჯების (მათ შორის მართვის ხარჯების) გამოკლებით;

• მმართველი იძულებითი მართვის შედეგად ამოღებულ თანხებს ხარჯების გამოკლებით შეიტანს აღსრულების ეროვნული ბიუროს სადეპოზიტო ანგარიშზე და ამის თაობაზე აცნობებს აღმასრულებელს;

• მმართველი სასამართლოს აცნობებს კრედიტორთა მოთხოვნის დაკმაყოფილების თაობაზე.